Најлошата серија од „Нетфликс“ номинирана за Златен глобус, луѓето бесни: Ова е злосторство!

Во текот на секоја сезона од доделување на наградите постои номинација која сите ги изненадува, а за 2021 година тоа е серијата од Нетфликс – „Eмили во Париз“ која што е номинирана за „Златен глобус“.

Серијата, со која што дел од публиката е воодушевена, а други ја нарекуваат „најлошата серија на „Нетфликс“ што некогаш била направена“, добила номинација за најдобра телевизиска серија во категоријата мјузикл и комедија.

Покрај оваа серија, други серии кои што се борат во таа категорија да го освојат Златен глобус се: „Flight Attendant“, „The Great“, „Ted Lasso“ и „Schitt’’s Creek“.

И не само тоа, туку и актерката Лили Колинс која што ја толкува улогата на Емили е номинирана за најдобра изведба во телевизиска серија во категорија мјузикл или комедија, па така се бори за наградата против Калеј Куоко, Ел Фенинг, Џејн Леви и Кетрин О’Хара.

Судејќи според коментарите на Твитер, луѓето не се воодушевени што „Емили во Париз“ е номинирана за оваа престижна награда.

Меѓутоа, номинацијата за „Eмили во Париз“ сигурно ќе го поттикне „Нетфликс“ за креирање на втора сезона.