НА БЕЗБЕДНО СЕ НАШИТЕ СОГРАЃАНИ ВО АВГАНИСТАН МНР контактирало со компаниите кои пријавиле 100 работници од земјава
МНР информира при потребата од евакуација ќе се искористат и летови организирани од неколку држави кои биле контактирани.
Околу 100 македонски државјани се наоѓаат моментално во Авганистан и тие засега се на безбедни локации, соопшти Министерството за надворешни работи.
– Според последните информации кои ги добивме, компаниите кои ги ангажираат работниците, не се соочуваат со потешкотии и имаат резервирано сопствени летови за евакуација на нивните работници, а дел од нив веќе се префрлени во некои од соседните земји и нивниот трансфер дома не е спорен – велат од МНР.
Во последните 24 часа, на дежурните телефони во МНР се јавиле неколку граѓани кои имаат роднини или пријатели во Авганистан и се интересирале за состојбата таму, но не побарале асистенција за нивно извлекување.
МНР информира при потребата од евакуација ќе се искористат и летови организирани од неколку држави кои биле контактирани.
– Дел од амбасадите и конзулатите веќе се контактирани и некои од пријателските земји изразија подготвеност при евентуални организирани летови за евакуација да бидат на располагање и за граѓаните на земјава- велат од МНР.