МУ ГИ КИНЕЛЕ УЧЕБНИЦИТЕ, ТЕТРАТКИТЕ, ПА ДУРИ И ГАЌИТЕ! Одличен ученик изложен на тежок булинг во училиштето во Градско
Родителот на детето го пријавил случајот, но е разочаран е од институциите зашто во изминатите 17 денови никој не му помогнал на малолетното дете да ги надмине траумите што ги претрпело.
Ученик во деветто одделение во ООУ„Даме Груев“ во Градско, кој е и првенец на генерацијата, подолго време бил изложен на врсничко насилство од своите соученици, што е пријавено во полиција и кај директорот на училиштето, пишува порталот Дума.мк.
– Моето 14 ипол годишно машко дете минатата и оваа учебна година континуирано било изложено на булинг. Се додека на 11 ноември годинава, дома не се врати со искинат долен веш и со гребаници. Му удирале фиски по главата, му го уништувале училишниот прибор и му го фрлале низ прозорец. Цело време моето дете молчело поради срам – раскажува родителот на малтретираното дете, кое поради тоа веќе три недели не оди на настава.
Родителот го пријавил случајот кај класниот раководител Благој Ристов и кај директорката Таца Дукова, а на 12 ноември го пријавил случајот и во СВР Велес, Тој е разочаран е од институциите зашто во изминатите 17 денови никој не помогнал во надминување на траумите што малолетното дете ги претрпело.