МОЖЕ ДА СЛУЧИ ДА УМРАМ УТРЕ Бајден ја признава староста, „да чукнам во дрво, сега за сега сум добар“
Утре би можел да се разболам. Може, знаете, да паднам мртов утре, им одговори Бајден на новинарите велејќи дека е легитимно што гласачите се грижат за неговата возраст. Сепак, тој рече дека се чувствува здраво. „Сега за сега, да чукнам во дрво, не сакам да се залажувам, јас сум во добра здравствена состојба“, рече тој.
Американскиот претседател Џозеф Бајден пред новинарите призна дека би можел „да умре утре“ додека се обидува да ги увери американските гласачи дека сè уште има доволно енергија за повторно да се кандидира за функцијата во 2024 година, јавува РТ.
Во снимката од интервјуто за Ем-Ес-Ен-Би-Си објавено во неделата, Бајден (79) беше запрашан што ќе им каже на Американците кои не беа сигурни дали треба да побара реизбор поради неговата старост.
– Мислам дека е легитимна работа да се грижиме за нечија возраст, вклучувајќи ја и мојата – одговори тој, опишувајќи се себеси како „голем почитувач на судбината“.
– Утре би можел да се разболам. Може, знаете, да паднам мртов утре – додаде тој.
– Успорувам ли? Зарем го немам истото темпо? – праша тој реторички, сугерирајќи дека ако Американците не се сигурни за неговите способности, треба да поддржат друг кандидат.
– Сега за сега, да чукнам во дрво, не сакам да се залажувам, јас сум во добра здравствена состојба – рече тој, додавајќи дека добро функционира и физички и психички.
Претходно овој месец, прес-секретарот на Белата куќа, Карин Жан-Пјер, потврди дека Бајден има намера да се кандидира за реизбор во 2024 година. Сепак, во јули, Њујорк Тајмс објави, цитирајќи извори, дека неговата возраст сѐ повеќе станува проблем за неговата администрација.
Официјални лица со кои разговараше медиумот признаа дека „нивото на енергија“ на американскиот лидер не е она што беше некогаш и дека „тивко внимаваат“ на него.
Нивната загриженост е дополнително поткрепена со гафови кои претседателот ги повторува. Минатата недела, видео од Бајден стана вирално на социјалните мрежи. На снимката се гледа дека Бајден изгледаше збунето додека се бореше да го најде излезот од бината на митингот во Питсбург, Пенсилванија.
Кон крајот на септември, на настан во Белата куќа се случи уште еден инцидент во кој претседателот по грешка ја повика претставничката Џеки Валорски, кој загина во сообраќајна несреќа во август. Во очигледен обид да ја испегла неговата изјава, прес-секретарот на Бајден објасни дека Валорски „му е во мислите“ затоа што претседателот „веќе планирал да го пречека семејството на конгресменката во Белата куќа“.