МОРБИДНА ДРАМА ВО КУМАНОВСКО, ВО КАВГА ЗА ИМОТ СТРЕЛАЛ ВО НАЈБЛИСКИ РОДНИНИ! Си ги убил сестрата и внукот, другиот внук се бори за живот
Двајца мртви и еден тешко ранет е епилогот на кавга поради нерасчистени имтоно-правни односи во селото Габреш, информираше СВР Куманово.
Брат ја убил сестра си и нејзиниот син, денеска во кумановското село Габреш, соопшти полицијата. Двајца мртви и еден повреден е епилогот на кавга поради нерасчистени имтоно-правни односи, информираше СВР Куманово.
Шеесет и шестгодишен жител на селото пукал со огнено оружје кон неговата сестра и нејзините двајца синови, при што ја убил сестра си и едниот од нејзините синови. Вториот син, според податоците на полицијата, е пренесен во општа болница Куманово.
– Поради нерасчистени семејни односи денеска во 12:25 часот полициски службеници од СВР го лишиле од слобода Д.Ѓ. (66) затоа што во село Габреш, кумановско поради нерасчистени имотно правни односи пукал од огнено оружје кон неговата сестра Д.Р.(63), и нејзините синови Ж.Р.(36) и Т.Р.(38). Итна медицинска помош констатирала смрт кај Д.Р. и Т.Р., додека Ж.Р. со повреди е пренесен во Општа болница Куманово, информираше полицијата.
Од кумановската болница потврдија дека кај нив е донесено лице со три прострелни рани, но поради сериозноста на повредите е префрлено на понатамошно лекување на една од скопските клиники.