МНР ГО ПОВИКА АВГАНИСТАН ДА ОБЕЗБЕДИ ЕВАКУАЦИЈА НА СТРАНЦИТЕ Треба да ја преземете одговорноста за човечките животи

Министерството за надворешни работи во соработка со стратешкиот партнер САД, како и останатите НАТО сојузници ги повика сите страни во Авганистан, да го почитуваат и овозможат безбедното напуштање на земјата од страна на заинтересираните странски државјани кои моментално се наоѓаат таму, како и на жителите на Авганистан кои сакаат да ја напуштат земјата.

„Оние субјекти и организации кои се позиција на сила и власт во земјата треба да ја носат и одговорноста за заштита на човечките животи, како и за итно возобновување на безбедноста и стабилноста на земјата“, се вели во повикот од МНР.

Министерството, додаваат оттаму, продолжува внимателно да ја следат состојбата во Авганистан и да презема чекори во насока на заштита на државјаните на С Македонија кои се наоѓаат на територијата на земјата.