Милошоски: Собранието ќе расправа за пропаѓањето на Еуростандард банка

Пратеникот на ВМРО-ДПМНЕ, Антонио Милошоски, на Фејсбук напиша дека по иницијатива на ВМРО-ДПМНЕ наскоро во Собранието ќе се расправа за пропаѓањето на банката Еуростандард.

„Дали пропаѓањето на Еуростандард е македонскиот втор ТАТ – кои фирми имале корист од милионски кредити, дали овие фирми биле блиски до фамилијата на власт и колку високи функционери, членови на владата, знаеле предвреме за стечајот на банката? Наскоро, по иницијатива на ВМРО-ДПМНЕ, Собранието ќе расправа на оваа тема и ќе се откријат многу сериозни манипулации“, напиша Милошоски.