Милошоски: Не се отвора истрага за Дончев затоа што може да стигнат до Заев и Тодоров ВИДЕО

Антонио Милошоски, кандидатот за пратеник од ВМРО-ДПМНЕ во интервју за „Само вистина“ на Канал 5 вели дека не се покренува истрага за поранешниот директор на ФЗОМ Ден Дончев бидејќи таа може да стигне до претседателот на СДСМ Зоран Заев и поранешниот министер Никола Тодоров.

– Цела јавност знае дека не се покренува истрага за Ден Дончев затоа што таа истрага може да стигне и до Зоран Заев и до Никола Тодоров, поранешниот министер и на таа истрага може да се види дека некој бил рекетиран на месечна основа и дека некој мора да носи цел куфер со пари до Струмица за да нема постапка – смета Милошоски.

Милошоски нагласи дека Јавното обвинителство, а претходно и Специјалното јавно обвинителство се политичка алатка за Заев да може да рекетира, да уценува или да деградира политички неистомисленици.

– Јавното обвинителство во моментот, како и СЈО претходно се само политичка алатка за Зоран Заев да изрекетира сопственици, или да уцени, или да деградира политички неистомисленици – рече Милошоски.