Милан ќе игра четири натпревари без Ибрахимовиќ
Напаѓачот на италијанскиот фудбалски прволигаш Милан, Златан Ибрахимовиќ, ќе паузира најмалку десет денови поради повреда на бутниот мускул на левата нога, јавија денеска локалните медиуми.
Ибрахимовиќ се повреди викендот на дерби натпреварот против Рома и предвреме го напушти теренот во 56 минута.
Можеби ќе ве интересира
Неговата рехабилитација ќе трае најмалку десет денови, поради што шведскиот напаѓач нема да биде во составот на Милан за трите првенствени натпревари против Удинезе, Верона и Наполи, а ќе го пропушти и првиот натпревар од осминафиналето во Лига Европа против Манчестер јунајтед.
На дербито против Рома се повреди и Хакан Чалханоглу, кој со сигурност нема да може да му помогне на Милан за мечот против Удинезе.