Мицкоски стави потпис против пописот, на над 300 пунктови ѓраѓаните се потпишуваат ВИДЕО
Замислете на што ќе личи овој попис направен во 20 дена по рецептата скроена од Зоран Заев и СДСМ. Јас ќе ви кажам дека тоа ќе биде една обична бламажа и еден обичен срам, рече Мицкоски.
Лидерот на ВМРО-ДПМНЕ Христијан Мицкоски денеска се потпиша на иницијатива за поништување на Законот за попис.
– Го дадов мојот потпис против фалсификат попис. Да поддржиме европски и вистински попис. Да спречиме кражба, да ја тргнеме политиката од статистиката – објави Мицкоски на фејсбук.
Тој за денешната иницијатива која ја започна ВМРО-ДПМНЕ ширум целата државата за поништување на Законот за пописот, посочи дека голем број на граѓани денес излегле и се потпишале дека се против овој фалсификат попис кој СДСМ и Заев сакаат да го истуркаат.
– Па врз основа на оние информации кои што ги имам се дека повеќе од 350 пунктови и врз основа информациите кои ги добивам дека навистина се одвива перфектно. Многу граѓани би рекол илјадници наши граѓани се одзваа на оваа иницијатива и го дадоа својот потпис. Така очекувам и деновите кои што следат, а тие потписи да бидат поддршка на иницијативата на пратениците која што ќе биде доставена до спикерот во Парламентот за поднесување закон со кој што ќе бараме поништување на овој би рекол неевропски и наместен закон за попис односно неевропски и наместен попис кој што сакаат СДСМ и Зоран Заев да го спроведат со нивните коалициони партнери. Замислете четири години ние буквално потонавме во ова политичко мочуриште, во оваа политичка тиња, буквално ниту еден проект не направија почнувајќи од почеток до крај, замислете на што ќе личи овој попис направен во 20 дена по рецептата скроена од Зоран Заев и СДСМ. Јас ќе ви кажам дека тоа ќе биде една обична бламажа и еден обичен срам – рече Мицкоски.