Мицкоски: Обвинителот да провери дали Заев е Бошко Буха
Го повикувам јавниот обвинител да го повика господинот Зоран Заев за да видиме дали тој е Бошко Буха - порача Мицкоски.
Јас ќе се присетам на една прес-конференција на која Зоран Заев велеше дека во оваа држава еден е Бошко Буха, алудирајќи на себе. Токму затоа, сега го повикувам обвинителот да го повикува Заев и да видиме дали е тој Бошко Буха којшто ги објавува овие нелегално стекнати материјали, рече лидерот на ВМРО-ДПМНЕ, Христијан Мицкоски, на денешниот ТВ дуел заедно со лидерот на СДСМ, Зоран Заев.
– Го повикувам јавниот обвинител да го повика господинот Зоран Заев за да видиме дали тој е Бошко Буха – порача Мицкоски.
Заев, пак, на ова одговори дека и јавниот обвинител и судиите треба да постапуваат за секого во оваа држава.
– Првпат јавен обвинител е осуден во оваа земја. Газда на медиум е осуден. Бизнисмен е осуден. Зоран Заев не ве снимаше кога бевте сами со Зоран Кичевскиот. Вие тоа сте го кажале сои вашиот глас. Но, тоа е завршена работа. Граѓаните знаат сè – одговори Заев.