МИЦКОСКИ И АПАСИЕВ ГИ ОЧЕКУВААТ НОВИ ПОРАЗИ Ковачевски нѐ извлече од кризата, инфлацијата е зауздана, храната поевтинува, се фали СДСМ

„Мицкоски уште еднаш покажа дека е само обичен заложник на Димитар Апасиев и на Левица, класичен антиевропски политичар. Освен да го следи Димитар Апасиев во секојдневен натпревар за блокади и кочење на државата Христијан Мицкоски друг план нема.“

Ова се вели во соопштението на СДСМ, во кое се тврди дека коалицијата на ВМРО-ДПМНЕ и Левица е коалиција на хаос и враќање назад. Нивната единствена цел е да го попречат европскиот пат на земјата, вели СДСМ и додава:

„Затоа ниту збор од Мицкоски не слушнавме за успешното справување со енергетската и економската криза, за покачените плати и пензии, за рекордниот износ на странски инвестиции. Пропаднаа сите најави на Мицковски и Левица државата наскоро ќе пропадне, ќе нема доволно струја, гас, бензин, дека ќе има рестрикции на струја, прекини и недостиг на храна во супермаркетите.

Ковачевски успеа да ја спаси македонската економија која забрзано се опоравува од кризата. Инфлацијата е зауздана, а политиките на Ковачевски ги намалуваат цените на лебот, тестенините, млекото, месото, јајцата.

Дополнително, денеска Христијан Мицкоски призна дека со месеци го лажеше народот и своето членство дека има 61 пратеник и ќе го распушти Собранието оваа пролет. Наместо распуштање имаме зголемено и стабилно парламентарно мнозинство предводено од СДСМ“.

СДСМ нема да се откаже од европската иднина, силно и одлучно ќе продолжиме по европскиот пат, се вели во соопштението и се заклучува: „Мицкоски и Апасиев ги чекаат нови порази“.