МИ ПОСТАВИ УЛТИМАТУМ Лиам Нисон ја одбил улогата на Џејмс Бонд поради сопругата

Холивудскиот актер Лиам Нисон во интервју за „Ролинг стоун“ раскажа дека бил заинтересиран за улогата на Џејмс Бонд во филмот „Златно око“ (Golden Eye).

Меѓутоа, тој откри дека ги одбил продуцентите поради својата сега покојна сопруга Наташа Ричардсон, која тогаш му рекла дека „нема да се омажи за него ако прифати“.

„Лиам, сакам да ти кажам нешто. Ако го играш Џејмс Бонд, нема да се венчаме”, се присетил актерот на зборовите на сопругата. „Таа ми постави ултиматум. И го мислеше тоа сериозно“, додал Лиам и рекол дека не знае зошто Наташа имала толку лош став кон Бонд.

Лиам Нисон и Наташа Ричардсон беа во среќен брак 15 години се до нејзината трагична и ненадејна смрт на скијање во Квебек во март 2009 година. Наташа почина како последица на удар во главата на скијањето.