МЕГАН МАРКЛ МУ ИСПРАТИЛА ПИСМО НА ТАТКО Ѝ ПО АМПУТАЦИЈАТА НА НЕГОВАТА НОГА Наводно, претходните писма на војвотката од Сасекс не стасале до Томас Маркл

Меган Маркл успеала да достави писмо до својот татко, Томас Маркл, по неговата итна операција и по неколкудневните тврдења и контратужби во врска со нејзината можност да го контактира, пишува PEOPLE.

На 81-годишникот во болницата на Филипините пораката од неговата ќерка му била доставена благодарение на „поддршката од сигурни и доверливи“ луѓе, изјавил претставник на 44-годишната војвотка од Сасекс на 10 декември.

Томас – од кого Меган е отуѓена од 2018 година – се опоравува во болница откако на 3 декември му била извршена ампутација на долниот дел од ногата. На 9 декември се дозна дека Меган се обидувала да стапи во кореспонденција со него откако претходните обиди да стапи во контакт со него, наводно, не биле успешни. Нејзиниот портпарол потврди дека таа сега успеала во тоа.

Портпаролот во соопштението вели: Со поддршка од сигурни и доверливи контакти, нејзината кореспонденција сега е безбедно во негови раце.

Меган му испратила имејл на својот татко на 5 декември, додека се ширела веста за неговата операција. Таа го држела тој контакт во тајност, но откако „Мејл он Сандеј“ објави на 6 декември дека Томас е „збунет“ од тврдењата и дека не добил ништо од Меган, оние блиски до неа ги објавија нејзините обиди.

Во нејзините напори да го контактира својот татко, PEOPLE дознава дека Меган лично се јавила во неколку болници во обид да го лоцира. Тимот на војвотката, исто така, побарал појаснување од оние блиски до Томас во врска со тоа кој е најдобриот начин да го контактира додека се опоравува.

Новинарот во контакт со Томас претходно рекол дека тој моментално не го поседува својот телефон, а војвотката од Сасекс нема негов функционален телефонски број.

Прашањето за пристап до Томас е дополнително обликувано со необичната улога на новинарка на „Дејли меил“ која останала покрај неговиот кревет.

Портпаролот на Меган изјави: Со оглед на тоа што новинарка на „Дејли меил“ останала покрај креветот на нејзиниот татко во текот на целиот период, емитувајќи ја секоја интеракција и кршејќи ги јасните етички граници, на војвотката ѝ беше исклучително тешко да го контактира својот татко приватно, и покрај нејзините напори во текот на изминатите неколку дена.

Каролин Греам е со Томас од минатата недела. На 6 декември, таа го опиша нивниот нетипично близок однос, велејќи: Разговараме речиси секој ден и го сметам за некаков татковски лик. Тој е цврст пријател кој ми помогна да ја пребродам смртта на мајка ми и брат ми.

Греам, исто така, откриla дека добила СМС-порака од Томас со која ја известува за неговата претстојна операција.

– Тој одлучил да ми ја соопшти веста за ампутацијата пред своето семејство – напиша таа, додавајќи дека потоа патувала 22 часа од нејзиниот дом во Лос Анџелес до неговиот болнички кревет на Филипините.