МАТИЧНИТЕ ЛЕКАРИ СЕ РАБ НА ЕГЗИСТЕНЦИЈА Арсовски смета дека е потребно да им се исполнат барањата во однос на капитацијата

Портпаролот на ВМРО-ДПМНЕ Димче Арсовски во вечерашното гостување во емисијата Само вистина на Канал 5 телевизија за денешниот протестот на матичните лекари вели дека има сериозен проблем бидејќи не им се исплатени капитациите, а се соочуваат со зголемени сметки за струја и здравствени материјали за работа.

– Во однос на нивните барања, гледаме дека се сериозни, вклучително како прво и најосновно капитација којашто во моментот е 65 денари и самите тие потенцираат дека практично работат за нерентабилни суми имајќи предвид дека изминатите две три години тие се на првата борбена линија со пандемијата. Оттука смета дека треба да им се исполни барањето во однос на капитацијата бидејќи ако земам предвид од она што може да го разговарам со голем дел од матичните лекар само сметките за струја во нивните матични ординации коишто ги водат се покачени за некаде од четири до пет, а можеби шест пати повеќе во однос на цените на струја, или од 5.000 денари од 25.000 или 30.000 денари – рече тој.

Арсовски потенцираше дека и основните работи коишто им се потребни за тие матични амбуланти исто така се со покачени цени на ракавици и ако биле од пред две до три години половина денар, сега се по пет до 6 денари.

– Така да очигледно е дека тие луѓе живеат на работ на егзистенцијата. Да имаме предвид дека има матичниот лекари во помали места каде што и да сакаат не може да имаат повеќе пациенти за да имаа повеќе капитација од државата. Малку е потценувачки самите матични лекари коишто навистина имаат премногу одговорна работа во дадени моменти преживуваат од месец за месец со минимална плата – потенцираше тој.

И третата работа за коишто на некој начин се лути тоа е што некогаш како во моментот од две до три фактури не им се исплатени капитација од ФЗО, додаде Арсовски.