МАЛОЛЕТНИК ОД КАВАДАРЦИ ПРАЗНЕЛ ТУЃИ БАНКАРСКИ КАРТИЧКИ Ги скенирал во сала за вежбање
Во повеќе трансакции се стекнал со противправна имотна корист од околу 12.000 денари.
17-годишник од Кавадарци во соблекувална од сала за вежбање скенирал туѓи банкарски картички и потоа со нив правел трансакции.
„ОВР Кавадарци до ОЈО Кавадарци поднесе писмено известување за 17-годишник од Кавадарци поради постоење на основи на сомнение за сторени две кривични дела „оштетување и неовластено навлегување во компјутерски системи”, казниво по член 251 од Кривичниот законик. Имено, на 23.01 2024 во соблекувална на сала за вежбање во Кавадарци ги сликал банкарските картички на 45-годишник од Кавадарци, по што во својот дом извршил повеќе трансакции и на тој начин се стекнал со противправна имотна корист од 8948 денари. Исто така, на 26.01.2024 на истиот начин оштетил и 42-годишен жител на Кавадарци и со повеќе направени трансакции се стекнал со противправна имотна корист од 3.300 денари“ – стои во известувањето од МВР.