Mалку фали за половина од експратениците да бидат на апанажа, досега 44

До Собранието барање за апанажа поднеле 44 пратеници од минатиот состав, а се уште трае рокот за поднесување барање за надомест по престанок на функција од поранешните министри.

Во однос на седница за избор на потпретседатели на Собранието, Џафери рече дека ќе ја свика само откако до него пратеничките групи ќе достават формален предлог.

Што се однесува до опозициската ВМРО-ДПМНЕ, спикерот вели дека за разлика од минатиот состав, сега тие доаѓаат на координациите со претседателот на Собранието.

Во меѓувреме, се работи и на барање на алтернативен начин за одржување на седници во вонредни услови односно онлајн седници и комисии и гласање, но Џафери на брифингот рече дека за тоа ќе бидат потребни два до три месеци. Сега засега, седниците ќе се одржуваат во салата со купола, а гласовите ќе се бројат рачно.