МАКЕДОНИЈА ЌЕ ИСПРАТИ КОНКРЕТНА ПОМОШ ВО ТУРКИЈЕ Пендаровски најави дека помошта „нема да остане само на зборови“
Добивме информација дека има и втор земјотрес, многу жртви и ужасна деструкција. Сакам уште еднаш да испратам сочувство до сите погодени и да објавам дека македонската Влада и ние како држава нема да останеме само на зборови, туку ќе пружиме конкретна помош, изјави Пендаровски при средбата со својата унгарска колешка Каталин Новак.
Северна Македонија нема да остане само на зборови, туку ќе испрати конкретна помош во Туркије, најави денеска претседателот Стево Пендаровски во врска со земјотресот што ја зафати оваа земја и во кој има голем број загинати и повредени.
Како што рече Пендаровски по денешната средба со својата унгарска колешка Каталин Новак, во Туркије се случил уште еден земјотрес.
– Изразивме сочувство за земјотресот во Туркије. Добивме информација дека има и втор земјотрес, многу жртви и ужасна деструкција. Сакам уште еднаш да испратам сочувство до сите погодени и да објавам дека македонската Влада и ние како држава нема да останеме само на зборови, туку ќе пружиме конкретна помош. Годинава треба да одбележиме шест децении од катастрофалниот скопски земјотрес и многу добро знаеме како е кога некои народи и држави се наоѓаат во слична ситација. Нашите мисли се со турскиот народ и турските граѓани, пред сè со оние што ги изгубија своите најблиски – рече Пендаровски.