ЛИФТ ВО РАДИШАНИ ТЕШКО ПОВРЕДИ 3-ГОДИШНО ДЕТЕ Вратата ненадејно се отворила и се затворила
Инцидентот се случил на 22 август околу 18:15 часот, додека мајка и нејзините деца биле во лифт од станбена зграда на подрачјето на Радишани.
Тригодишно дете тешко е повредено во несреќа со лифт во зграда во Радишани, откако според пријавата од мајката, вратата од лифтот ненадејно се отворила и се затворила.
Министерството за внатрешни работи во дневниот билтен информира дека Е.З.(30) од Скопје вчера во 20:00 часот во СВР Скопје пријавила дека на 22 август околу 18:15 часот, додека таа и нејзините деца биле во лифт од станбена зграда на подрачјето на Радишани, вратата од лифтот ненадејно се отворила и се затворила, при што нејзината тригодишна ќерка била повлечена и добила тешки телесни повреди.
Можеби ќе ве интересира
Повредите биле констатирани во Јавната здравствена установа „Св.Наум Охридски“ Скопје.
МВР во дневниот билтен вели дека се преземаат мерки за расчистување на случајот.