ЛИЦАТА СО ПОПРЕЧЕНОСТ НЕМА ДА ПЛАЌААТ ПАРТИЦИПАЦИЈА Ќе важи и за постари од 26 години
Ова е долгогодишно барање на оваа категорија граѓани и ние како одговорни пратеници тоа сега го овозможуваме – изјави Ненад Коциќ, пратеник од СДСМ.
Собранието ги усвои измените на Законот за здравствено осигурување со кои се ослободуваат од плаќање партиципација лицата со попреченост и со над 26 години возраст, соопшти СДСМ.
Можеби ќе ве интересира
– Ова е долгогодишно барање на оваа категорија граѓани и ние како одговорни пратеници тоа сега го овозможуваме. На овој начин, го олеснуваме пристапот до лекарски услуги на лицата со попреченост кои повеќе нема да треба да плаќаат партиципација за услугите што ги добиваат.
Ова, освен во делот на лекување, позитивно ќе влијае и на превентивата и на редовните лекарски прегледи на лицата со попреченост – изјави Ненад Коциќ, пратеник од СДСМ.