📽️ КРВАВ НАПАД ВО ПАКИСТАН Бомба разнесе воз со воен персонал, најмалку 24 загинати
Автомобил натоварен со експлозив удрил во воз што превезувал воен персонал во Белуџистан, а одговорноста за нападот ја презела сепаратистичката Ослободителна војска на Белуџистан.
Најмалку 24 лица загинаа, а десетици се повредени во силна експлозија што го потресе возот со воен персонал во југозападниот дел на Пакистан. Нападот се случил во покраината Белуџистан, додека возот минувал низ железничката станица Чаман Фатак во градот Квета.
Според првичните информации, автомобил полн со експлозив се забил во еден од вагоните, по што следувала разорна експлозија која целосно уништила дел од композицијата.
Снимките од местото на трагедијата покажуваат искршени вагони, изгорени остатоци од возот и густ чад што се издигал над железничката станица.
Одговорноста за нападот ја презела Ослободителна војска на Белуџистан, вооружена група која со години води бунт за независност на регионот.
On May 24, 2026 morning, a powerful suicide bomb blast hit the Jaffer Express train near Chaman Phatak, Quetta (Balochistan), Pakistan !
Casualties: At least 23 killed, over 50-80 injured !
Claim: Baloch Liberation Army (BLA) took responsibility, saying it targeted Pakistani… pic.twitter.com/lRs1mDT4T3
— Dharm (@dhram00) May 24, 2026
Пакистанскиот премиер Шехбаз Шариф остро го осуди нападот, нарекувајќи го „одвратен терористички чин“.
– Изразувам длабоко сочувство до семејствата на жртвите и посакувам брзо закрепнување на повредените – изјави Шариф, додавајќи дека ваквите напади нема да ја разнишаат решителноста на државата во борбата против тероризмот.
Нападот го осуди и сенаторката Шери Рехман, која откри дека меѓу загинатите и повредените имало и жени и деца кои патувале за празнични прослави.
– Оние што стојат зад вакви злосторства ќе се соочат со силен одговор од безбедносните сили – порача таа.
Белуџистан важи за едно од најнестабилните подрачја во Пакистан, каде често се изведуваат напади врз војската, полицијата и државната инфраструктура.
The blood of innocent Pakistanis spilled in Quetta is a painful reminder that terrorism still seeks to wound our nation through fear and brutality. Strongly condemn this barbaric attack on civilians and security personnel.
But Pakistan has buried terror before, and we will… pic.twitter.com/qIJ3Wi7YQR
— Dr. Sharmila Sahibah Faruqui (Phd) s.i (@sharmilafaruqi) May 24, 2026