КРЕМЉ ПОТВРДИ ДЕКА ВО ВТОРНИК ЌЕ СЕ СЛУШНАТ ТРАМП И ПУТИН Ќе зборуваат за земјата, електраните и за поделба на средствата

Портпаролот на Кремљ Дмитриј Песков потврди дека рускиот претседател  во вторник телефонски ќе разговара со неговиот американскиот колега, јави „Гардијан“.

Запрашан за планираниот повик меѓу Владимир Путин и Доналд Трамп, Песков рече:

– Да, така е. Таков разговор е планиран за вторник.

• ТРАМП ЌЕ РАЗГОВАРА СО ПУТИН Претседателот на САД уверува дека има добри шанси да се заврши војната

Претседателот на САД, Доналд Трамп, најави дека планира во вторникот да разговара со претседателот на Русија, Владимир Путин.

– Со Путин ќе разговарам во вторник. Завршена е многу работа во текот на викендот. Сакаме да видиме дали можеме да ја завршиме војната. Можеби можеме, можеби не можеме, но мислам дека имаме многу добри шанси – изјави американскиот претседател.

Трамп додаде и дека со Путин ќе разговара „за земја“, „за електрани“ и „за поделба на одредени средства“.