КОВАЧКИ БАРА ОД ФИЛИПЧЕ КРАТОК И ЈАСЕН ОДГОВОР Дали ве предупредија дека ПУР панелите не се зa модуларна болница
Многу елементи укажуваат дека доколку се води независна истрага, тогаш таа ќе заврши директно кај Филипче и Заев, по што треба да следува и кривична одговорност, вели Драган Ковачки од ВМРО-ДПМНЕ.
Според сознанијата со кои располагам, се чини дека фингерајката околу оставката поради морални причини од страна на министерот Венко Филипче ќе биде неговата најмала грижа. Многу елементи укажуваат дека доколку се води независна истрага, тогаш таа ќе заврши директно кај Филипче и Заев, по што треба да следува и кривична одговорност, вели Драган Ковачки од ВМРО-ДПМНЕ.
Тој вели дека бидејќи поминале точно 10 дена од страдањата и пожарот во болницата во Тетово, а до сега не виделе никакава реакција од обвинителството освен празни ветувања дека истрагата е во тек, ќе постави прашање до министерот Филипче.
– Дали е точно дека на состанокот на кој се дискутирало за модуларните болници, сте биле предупредени од стручно лице, дека ПУР панелите не смеат да бидат вградени во модуларните болници и доколку е точно, дали на состанокот настанала караница по што лицето што ве предупредило за панелите, било избркано од состанокот? Или да го преформулирам прашањето: дали министре знаевте, но сепак свесно тргнавте по брзите пари? Одговорете кратко и јасно со да или со не. Во меѓувреме ОЈО нека дреме, истрагата ние ќе ви ја водиме – рече Ковачки.