КОВАЧЕВСКИ ВЕЛИ ДЕКА СТАВОТ ЗА „ОТВОРЕН БАЛКАН“ Е НЕПРОМЕНЕТ Ама ќе се преиспита ако нема мир

Ако нема мир во регионот, ќе нема ниту иницијативи како Отворен Балкан, ниту Берлински процес, а некои иницијативи ќе треба да се преиспитаат, ијави денеска премиерот Димитар Ковачевски од Гранада, Шпанија, по вчерашната изјава на шефот на дипломатијата Бујар Османи, дека ќе се преиспита учеството на Македонија во иницијативата „Отворен Балкан“ доколку се докаже дека Србија на било каков начин е вклучена во нападот во Северно Косово.

– Ставот на владата останува непроменет, а Македонија останува во сите регионални иницијативи се додека од нив имаат придобивки сите граѓани. Сепак, за да има да има успешни иницијативи, мора да има мир и почитување меѓу сите земји кои таму учествуваат. Да за интеграција и соработка но не и за конфликти – рече премиерот.

Министерот за надворешни работи во изјава за телевизија Канал 5 денеска рече дека изјавата е негов личен став, а не владин.