КОВАЧЕВСКИ СЕ ПОФАЛИ СО НОВ ЕНЕРГЕТСКИ КАПАЦИТЕТ Новите електрани изградени за 9 месеци имаат моќ еднакава на градените во последните 30 години
Премиерот повтори дека ова е време на солидарност, кога мора сите да помогнат за полесно пребродување на кризата.
Мислам дека до вечер ќе бидат финализирани мерките за најранливите категории граѓани и дека до понеделник ќе се најават, рече денеска премиерот Димитар Ковачевски.
Ковачевски најави дека во понеделник ќе биде пуштен во употреба уште еден енергетски капацитет.
-Во понеделник ќе има пуштање во употреба на уште едне производствен енергетски капацитет. Верувам дека во мојот досегашен мандат од девет – десет месеци ќе имаме скоро еднакво инсталирана моќност на нови производствени капацитети на електрична енергија колку што биле инсталирани во последните 30 години – рече Ковачевски.
Тој повтори и дека ова е време на солидарност, кога мора сите да помогнат за полесно пребродување на кризата.
Ковачевски уште еднаш кажа дека парно за Скопјани ќе има, а ако енормно се зголеми цената гасот, тогаш државата е подготвена, како што рече, со алтернативно гориво да ги загрева домовите на граѓаните.