Коронавирус: Што ќе се случи со вашиот организам откако ќе оздравите?

Иако бројот на случаи драматично се зголемува во Европа и Северна Америка, коронавирусот ја достигна кулминацијата во неколку азиски земји и се појавуваат првите истражувања за подолготрајните ефекти на вирусот.

Колку долго живее во вашето тело?

Студијата на медицинскиот магазин „Лансет“ дава отрезнувачки одговор. Во извештајот се вели дека пациентите со коронавирус можат да го задржат патогенот во своите дишни патишта дури 37 дена, што значи дека би можеле да останат заразни многу недели.

Со оглед на тоа што тековниот карантински период се препорачува како 14 дена, пациентите може да останат заразни долго откако нивните симптоми ќе исчезнат, несвесно ширејќи го вирусот понатаму.

Можете ли повторно да го добиете?

Постојат изолирани извештаи за луѓе што очигледно се реинфицираат со коронавирус. Податоците на здравствените службеници во кинеската провинција Гуангдонг објавија дека 14 отсто од луѓето кои закрепнале, повторно тестирањето било позитивно.

Кон крајот на февруари, „Ројтерс“ извести за една жена во Осака, Јапонија, која исто така на тестирањето била позитивна откако оздравела од претходната инфекција. Сличен случај беше објавен во Јужна Кореја.

Меѓутоа, може да постојат и други објаснувања наместо повторна инфекција. Постои можност тоа да остане заспано по почетниот период на болест со минимални симптоми, пред да ги нападне белите дробови. Или, секогаш постои човечка грешка, како што се неточно тестирање или пациенти кои се испраќаат предвреме.

Типично, кога вирусна инфекција е поразена од страна на имунолошкиот систем на организмот, тој знае како повторно да ја победи – тие се имуни. Исклучок би бил доколку пациентот е на некој начин имунодефициентен.

Ентони Фаучи, директор на Националниот институт за алергија и заразни болести, на сослушувањето пред Комитетот за надзор и реформа во Домот во четвртокот истакнал: „Ние тоа официјално не сме го докажале, но голема е веројатноста дека тоа е така. Затоа што ако ова се однесува како и секој друг вирус, откако ќе оздравите, нема да се заразите повторно.“

Кои се трајните ефекти ако оздравете?

Управата на болницата во Хонг Конг го проучила првиот бран на пациенти закрепнати од потврдените случаи на вирусот. Во градот имало 131 случај и три смртни случаи, а вкупно се испуштени 74 луѓе.

Д-р Овен Цанг Так-јин, медицински директор на Инситутот за инфективни болести на органот во болницата „Принцеза Маргарет“ во Кваи Чунг, рекол дека лекарите веќе виделе приближно десетина отпуштени пациенти при последователните прегледи. Двајца до тројца не биле во можност да го прават она што го правелево минатото.

„Тие се задушуваат ако одат малку побрзо“, рекол д-р Цанг на брифингот за медиуми во четвртокот. „Некои пациенти може да имаат пад од 20 до 30 отсто во функцијата на белите дробови (по закрепнувањето).

Пациентите сега ќе бидат подложени на тестови за да утврдат колку белодробна функција тие сè уште ја имаат, а физиотерапија и кардиоваскуларни вежби исто така ќе го поттикнат зајакнувањето на белите дробови.

Скеновите сугерираат дека има оштетување на орган на белите дробови, но досега беше неизвесно дали тоа може да доведе до компликации подоцна во животот, како што е белодробна фиброза.