Коронавирус ќе банкротира повеќе луѓе отколку што ќе убие
Целокупната ситуација уште повеќе загрижува бидејќи владите продолжуваат да ја гледаат како здравствена криза, а не како економска.
Економската опасност од коронавирусот е експоненцијално поголема од здравствените ризици за јавноста, кога луѓето ги губат своите домови и не можат да ги платат сметките, пишува „Индипендент“.
– Огромните загуби од трилиони долари од финансиските пазари неделава ќе бидат само почеток, ако владите не настапат со мерки за спас. Подеднакво важно, како и борбата против вирусот, е да ги „вакцинираме“ нашите економии против престојната пандемија на паника. Човечкото страдање може да дојде во форма на болест и смрт. Може исто така да се доживее доколку не можете да ги платите сметките или го загубите својот дом, објаснува Омар Хасан за британскиот весник.
Хасан заклучува, дека на коронавирусот можеме да гледаме како моментот кога нишките што ја спојуваа глобалната економија се одвоија; а стартапите и растечките бизниси би можеле да бидат тие што ќе ја платат цената.
Целокупната ситуација уште повеќе загрижува бидејќи владите продолжуваат да ја гледаат како здравствена криза, а не како економска. Време е економистите да се придружат во борбата пред вистинската пандемија да се прошири.