Конечно откриена причината за несреќата во која загина Коби Брајант

Повеќе од една година по трагедијата и истрагата за несреќата во која загина Коби Брајант, откриена е официјалната причина за падот на неговиот хеликоптер.

На 26 јануари 2020 година животот го загуби еден од најдобрите кошаркари во светот, заедно со неговата ќерка, другите патници и пилотот, во чиј потег лежи кобната грешка.

Официјалната истрага е завршена и утврдено е дека вината за падот на хеликоптерот е на пилотот Ари Зобајан, кој полетал, иако тоа било законски забрането.

Во извештајот, направен на над 600 страници, се вели дека пилотот најверојатно ја изгубил ориентацијата непосредно пред да се сруши на планините Калабаза.

Немало механички дефекти во хеликоптерот „Сикорски С-76“ и се очекува по овој извештај, Федералната агенција за авијација во САД да даде препораки со цел да се избегнат несреќи од ваков тип во иднина.

Претходно се појави приказна дека несреќата може да се избегнела доколку хеликоптерот имал уред за скенирање на земјата и утврдување на растојанието помеѓу земјата и леталото, но за време на откривањето на извештајот, беше речено дека таков уред не би помогнал да се спречи трагедија во несреќата во која загина Брајант.

– Ридскиот терен во комбинација со просторната дезориентација на пилотите во облаците бил збунувачки фактор. Пилотот не знаел по кој пат да тргне – изјави Бил Инглиш, главниот истражител.

Инспекторите, исто така, го обвинија пилотот Зобајан за друга грешка со движење налево наместо да се обидат да се искачи повисоко и да се извлече од лошите временски услови.

Во трагедијата загинаа девет лица, покрај Коби Брајант и неговата 13-годишна ќерка Џијана и пилотот Аја Зобајан, бејзбол тренерот Џон Алтобели, неговата сопруга Кери и ќерката Алис, Кристина Маузер, кои му помогнала на Коби да го обучи тимот на неговата ќерка , како и Сара Честер и нејзината ќерка Пејтон.