КОМИЧАРОТ НАПАДНАТ СО НОЖ НА СЦЕНА Полицијата го уапси напаѓачот (ВИДЕО)

Комичарот Дејв Шапел беше нападнат на сцената за време на настап во вторникот вечерта, пред луѓето кои присуствуваа на шоуто, а снимката брзо се најде на социјалните мрежи.

Неколку учесници на настанот објавија видео од инцидентот, на видеото се гледа како на Шапел на сцената му пришол човек од десната страна и се обидел да го фати.

Се гледа дека напаѓачот го одвлекува обезбедувањето.

Шапел се обидел да остане присебен и продолжил да се шегува: „Тој беше транс маж“, а шегата била референца за актуелната полемика околу некои комичарски шеги кои беа протолкувани како трансфобични.

Имено, тој бил нападнат од 23-годишниот Исаја Ли.

Носел лажен пиштол во кој имал нож и успеал да го собори Шапел. Потоа се обидел да побегне, но бил спречен од обезбедувањето.

Полициската управа во Лос Анџелес по инцидентот објави дека напаѓачот е уапсен поради напад со ладно оружје.

Причината за нападот сѐ уште не е позната.

 

#davechappelle attacked at #hollywoodbowl #netflixisajoke pic.twitter.com/oP04S0de90

— abazar 🦇🔊 (@abazar) May 4, 2022

Шапел подоцна се осврна на инцидентот и јавно му се заблагодари на актерот Џејми Фокс.

„Секогаш кога сте во неволја, Џејми Фокс ќе се појави во шерифска капа и ќе ве спаси“, рекол Шапел.

Фокс го искористил моментот да им се обрати на публиката и на Шапел.

– Слушај, само сакам да кажам, овој човек е апсолутен гениј. Мора да се погрижиме да го заштитиме во секој момент – изјави Фокс.

„За секој комичар што ќе дојде овде ова значи сѐ. Ти сте гениј. Ти си легенда. Уживав и нема да дозволиме ништо да ти се случи“, додал Фокс.

Шапел настапи како дел од Netflix Is A Joke Fest, фестивал на комедија во Лос Анџелес организиран од гигантот Netflix.

 

#DAVECHAPPELLE TACKLED BY MAN WHO RUSHED THE STAGE AT #HOLLYWOODBOWL #LA pic.twitter.com/HyCMfPbdia

— CR33P (@whenmo0n) May 4, 2022