Кои намирници треба да се јадат за време на големите жештини?

За време на високите температури, исклучително е важно правилно да се хидрира телото, а одлични „пумпи“ кои внесуваат вода во нашиот организам се овошјето и зеленчукот.

Треба да избегнувате тешка, масна и солена храна, но и кофеин. Храната што се наоѓа на врвот на списокот на најдобри намирници за овие горештини, за среќа се сите оние што созреваат во моментов, така што нема да имате проблем со набавката. И, покрај тоа што ве освежуваат, овие намирници се многу здрави и ќе ви ги обезбедат сите потребни минерали.

Лубеница

Лубеница кралица! Не мора да потенцираме колку ја сакаат и големите и малите. Лубениците се вкусни и здрави. Го чистат организмот, богати се со витамини и вода. Одлични се за имунолошкиот систем и ја подобруваат крвната слика. Можете да ги комбинирате со други овошја (ананас, праска). Покрај освежувањето, овој десерт исто така ќе ве снабди со потребните витамини и минерали.

Домат

Доматот е високо вредна намирница и е незаменлива состојка во летните салати. Одличен е како освежување, како детоксификатор и поради својот нутриционистички состав е состојка во многу јадења. Самата кожа на доматот е богата со соединение кое делува како природен крем за сончање. А, тоа значи дека ако јадете многу домати, кожата ќе ви остане млада подолго.

Пробајте медитеранска супа со леќа и домати.

Краставица

Краставицата е една од намирниците што има способност да излади поради големата количина на вода што ја содржи. Одлично е што нејзината калориска вредност е многу мала, па затоа е често на менито на многу готвачи кои подготвуваат супи и салати од неа. Краставицата оди добро со тиквички и модар патлиџан.

Грејпфрут

Иако не секој го сака ова тропско овошје поради неговиот интензивен горчлив вкус, тој е одличен полнач за батерии за нашето тело поради неговата уникатност и горчливо-кисел вкус, односно поради високата содржина на биоактивни супстанции. За да се забрза процесот на ладење на телото, би било добро да консумирате исцеден сок за да помогне во регулирање на потењето, а грејпфрутот е одличен и за намалување на вишокот тежина.

Хељда

Хељдата е сè попопуларна храна и кај нас. Не содржи глутен, богата е со диетални влакна, го намалува крвниот притисок и холестеролот, го намалува нивото на шеќер во крвта. Содржи осум основни аминокиселини и богата е со минерали. Затоа е одлична храна за време на горештините бидејќи е лесно сварлив оброк. Лесно се подготвува, вкусна, хранлива, богата и лесна. Треба да се свари и да се излади. Се служи како замена за ориз или како каша.

Можете да додадете туна, пченка, свежи домати и краставица, зачинете со сок од лимон и малку црн пипер.

Фото: Unsplash