КОЧИ МИЦКО, ИМА И ВТОР КРУГ Во повеќе од 25 општини СДСМ се надева на победа

Најдоброто доаѓа од СДСМ и е подобро до ВМРО-ДПМНЕ. СДСМ победува Скопје, Петре Шилегов ќе биде новиот градоначалник бидејќи води уште во првиот круг пред Данела Арсовска, Генералниот секретар на СДСМ и шефот на Централниот Изборен штаб на коалицијата „Најдоброто за мојата општина“, Љупчо Николовски.

– Покрај главниот град СДСМ победува уште во првиот изборен круг во или води и влегува со водство во вториот во најмалку 25 општини и повеќе општини. И тоа во Струмица, Крива Паланка, Делчево, Крушево, Ресен, Дојран, Валандово, Богданци, Берово, Кривогаштани, Кочани, Карпош, Центар, Пробиштип – рече Николовски.

Тој потенцираше дека имаат голема предност во Шуто Оризари, Пехчево, Демир Капија, Демир Хисар, Маврово-Ростуште, Македонска Каменица, Чашка, Росоман, Ново Село, Старо Нагоричане, Лозово и се разбира на ниво на Град Скопје.

– Пред ВМРО-ДПМНЕ водиме и во други општини каде што немаат кандидат или водиме пред нив. Како што се Куманово, Долнени, Дебарца, Струга и многу други македонски градови. Тоа што ВМРО-ДПМНЕ е обидува ирационално да конструира лажна еуфорија е показател за политичката неукост на Мицкоски – соопшти на прес-конференција, Николовски.

Тој му порача на лидерот на ВМРО-ДПМНЕ дека ова не е арена за навивање, туку ова е натпревар за да се обезбеди подобар живот на народот во секоја општина.

– Локалните избори секогаш имаат и втор круг, затоа кочи Мицко. Граѓаните знаат СДСМ го има најголемиот коалициски капацитет во македонската политичка сцена, и тоа во историјата на плурализмот во Македонија. Прогресивната и демократска опција, односно СДСМ и најголемата и најразноликa коалиција „Најдоброто за мојата општина“ ќе ги добијат овие избори, затоа што нашата земја е членка на НАТО, со завршен попис, никој не може да ја кочи и мора да оди напред – вели генералниот секретар на СДСМ.

Николовски порача дека СДСМ ќе освои поголем број на градоначалници од ВМРО-ДПМНЕ.