КОЈ ВЕЛИ СРЕЌАТА СО ПАРИ НЕ СЕ КУПУВА? Во штипско Ново Село светиот крст купен на лицитација за 95.000 денари (ВИДЕО)
„Кога материјалноста ја надминува духовноста, тоа не е вистинска вера“, „Господ Исус Христос ги истера трговците од ДВОРОТ на храмот“, се дел од коментарите на социјалните мрежи.
Додека вчера илјадници верници влегоа во ладните води да го фатат светиот крст за кој се верува дека ќе му донесе среќа и благодат на оној кој ќе го фати, во штипско Ново Село крстот се наддаваше на лицитација, а среќниот „фаќач“ за тоа искешира 95.000 денари.
Поради ваквиот чин за празникот „Богојавление Водици“ утрово има поделено мислење утрово на социјалните мрежи се води околу лицитацијата која се случила вчера.
Имено на видеото кое се појави на социјалните мрежи се гледа како попот среде црквата во Ново Село во Штип го нуди светиот крст на лицитација.
Крајната цена на крстот достигна 95 илјади денари, а во меѓувреме додека течеше лицитацијата попот тврдеше дека парите им требале за да ги подмират сметките за струја, но не и за нивни лични потреби.
„Кога материјалноста ја надминува духовноста, тоа не е вистинска вера“, „Господ Исус Христос ги истера трговците од ДВОРОТ на храмот“, „Девојка од нашиот град се бори за живот место 1500 евра да се донираат да и го спасиме животот се натпреваруваат кој повеќе има за крстот да дади ми се гади кој и да сте дно сте“, „НЕЗАМИСЛИВО е од Божјиот Дом да правите пазар!“, се дел од негативните коментари.