КОЈ И КОГА ЌЕ СЕ ВОЗИ БЕСПЛАТНО СО ВОЗ? Пензионерите, студентите и средношколците ќе заштедат пари за превоз
Во соопштението е наведено дека бесплатен превоз ќе има за млади лица до 27 години, секоја прва и трета недела во месецот, во период на викенд денови од петок од 12 часот, до понеделник до 12 часот.
Согласно мерките за намалување на трошоците на живот за граѓаните, Владата преку Министерството за транспорт и врски и Железници Транспорт АД-Скопје донесе одлука да се воведе бесплатен превоз во железничкиот сообраќај.
Во соопштението е наведено дека бесплатен превоз ќе има за млади лица до 27 години, секоја прва и трета недела во месецот, во период на викенд денови од петок од 12 часот, до понеделник до 12 часот.
Исто така, предвиден е бесплатен превоз на стари лица, жени од 62 години и мажи од 64 години секој втор викенд во месецот (петок, сабота и недела).
„Бесплатен превоз за студенти секој четврток. И бесплатен превоз за сите ученици во средното образование и тоа еднаш неделно во среда. Бесплатниот превоз се воведува од 1 мај 2022 година, согласно возниот ред на Железници Транспорт АД-Скопје за 2022 година. Со оваа мерка овозможуваме континуирана поддршка на граѓаните се со цел поттикнување на железничкиот сообраќај како најевтин и еколошки превоз“, наведено е во соопштението.