КЕЛИ ОЗБОРН ПОВТОРНО ШОКИРАШЕ СО ИЗГЛЕДОТ Ќерката на рок-легендата се појави на црвениот тепих во Лондон, а неодамна откри што стои зад нејзиното нагло слабеење

Кели Озборн се појави на црвениот тепих на National Television Awards во Лондон, каде што повторно го привлече вниманието со драстично изменетиот изглед.

На 8 септември, 41-годишната Кели прошета по црвениот тепих во долга карирана тоалета, а фотографиите од настанот веднаш го свртеа вниманието кон нејзината значително послаба фигура.

 

View this post on Instagram

 

A post shared by Kelly Osbourne (@kellyosbourne)

Нејзината појава доаѓа само неколку дена откако Кели отворено проговори за причината поради која толку многу ослабела. Во интервју за „Mail on Sunday“, таа откри дека дури за време на проба на фустанот пред Греми наградите во февруари сфатила колку многу се променило нејзиното тело.

Кели раскажува дека била шокирана кога ја видела фотографијата направена за време на пробата. Таа признала дека не знаела колку е слаба, бидејќи била целосно обземена од болката по смртта на татко ѝ Ози Озборн.

Рок-легендата почина на 22 јули 2025 година, а Кели вели дека тагата целосно ѝ го потиснала чувството за глад. Иако семејството и пријателите ја предупредувале дека многу ослабела, таа вели дека не можела да го види она што го гледале другите.

За Греми наградите Кели носела перика за да ги прикрие јагодиците и со својот тим избирала облека која нема дополнително да ја истакне нејзината слабост. На церемонијата била со мајка ѝ Шерон, за време на специјалниот трибјут посветен на Ози. Подоцна признала дека, гледано од денешна перспектива, не била во доволно добра состојба за да присуствува.

По смртта на татко ѝ, Кели поминува низ уште еден тежок период. Таа во март годинава се раздели од свршеникот Сид Вилсон, со кого го има тригодишниот син Сидни. Во меѓувреме се врати во Велика Британија, а најави и документарна серија во три дела во која ќе зборува за тагувањето и за тоа како се справува со загубата на татко ѝ.