Кекеновски се закани со кривична пријава против Дерковски и ДИК
Професорот Јове Кекеновски денеска ќе поднесе кривична пријава против претседателот Оливер Дерковски и против членовите на ДИК.
Можеби ќе ве интересира
– Како носител на листа во ИЕ бр 2 од Коалицијата ,,Никогаш северна, само Македонија” во име на Коалицијата и во мое лично име, денес 20.07.2020 во 10,45 часот ќе поднесам кривична пријава против претседателот и членовите на ДИК за повреда на член 178 од Изборниот законик, а во врска со сторени кривични дела според одредбите од Кривичниот законик – информира Кекеновски утрово.
Образложението за пријавата професорот ќе го даде во 11 часот пред влезот на зградата на Основното јавно обвинителство Скопје.