Кејт Хадсон ја прекина соработката со жената која го врати посвоеното дете со аутизам ФОТО

Актерката Кејт Хадсон ги информира загрижените обожаватели на Инстаграм дека нејзината спортска компанија „Fabletics“ повеќе не соработува со инфлуенсерката и јутјуберка Мика Стауфер.

Стауфер (32) и нејзиниот сопруг Џејмс (34) минатата недела објавија видео во кое открија дека нивниот посвоен син Хаксли повеќе не живее со нив и дека тие го дале на посвојување и дека тој сега живее во друго семејство.

Двојката објави дека Хаксли отишол да живее во друго семејство кое подобро ќе се грижи за него, со оглед на тоа дека на момчето му бил дијагностициран аутизам, со кој тие не знаеле како да се справат.

Таа нивна одлука ја шокира јавноста и наиде на голема осуда, па двојаката Стауфер се соочи со жестоки критики.

После тоа, некои корисници на социјалните мрежи решија за тоа да ги известат сите компании со кои јутјуберката соработувала и да побараат да ја прекинат соработката заради таквото однесување со неа.

Една од компаниите со кои Стауфер соработувала била и компанијата на Кејт Хадсон.

Откако некои корисници на социјалните мрежи ја прашаа актерката дали таа сè уште соработува со Стауфер, Кејт Хадсон веднаш одговори и ги информираше дека соработката е прекината и им се заблагодари на следбениците за нивната свесност и внимание.

„Одлична вест. Отфрлете ја Mика Стауфер како што таа го отфрли посвоено дете со аутизам откако со  години заработуваше на лажната слика за идеално семејство!“, беше само еден од коментарите.

Исто така, неколку други компании ја прекинаа соработката со јутјуберката Стауфер, вклучувајќи ги и „Playtex Baby“, „Chili’s“ и „Danimals“.

 

Мика Стауфер

Кејт Хадсон

ФОТО: Инстаграм