КАЗНИ ЗА НЕКУЛТУРНИТЕ ШТО ПУШТААТ ГЛАСНА МУЗИКА ВО АВТОБУСИТЕ И ВО ВОЗОВИТЕ Британија со кампања против асоцијално однесување во јавниот превоз
Сите сме биле во воз кога некој ќе почне да пушта музика или видеа на својот телефон. Тоа им оди на нерви на сите и може брзо да го уништи патувањето, рече британскиот премиер Енди Бернам.
Патници кои пуштаат гласна музика во автобусите би можеле да бидат казнети до 100 фунти во Велика Британија, како дел од владините напори за сузбивање на антисоцијалното однесување.
Целта на таквите мерки е да се спречи фрлање ѓубре, вејпинг и заканувачко и насилно однесување, за да се подобри квалитетот на патувањето во сите форми на јавен превоз.
Според новите овластувања на локалните власти, прекршителите во автобусите наскоро би можеле да бидат казнети до 100 фунти.
Според лондонски медиуми, националната кампања почнува и во возовите, со која се повикуваат патниците „да го делат вагонот, а не бучавата“.
Предложените мерки беа поздравени од активистите, но некои се прашуваат како ефикасно ќе се спроведат.
– Сите сме биле во воз кога некој ќе почне да пушта музика или видеа на својот телефон. Тоа им оди на нерви на сите и може брзо да го уништи патувањето – рече премиерот Енди Бернам.
Според постојните овластувања, оние на кои им е советувано да престанат со таквото однесување, но одбиваат да го сторат тоа, би можеле да бидат замолени да го напуштат возот или да се соочат со казна до 1.000 фунти.