📽️ КАТАСТРОФАЛНИ ПОПЛАВИ НА ЈУГОТ ОД ГЕРМАНИЈА, ИМА МРТВИ Два вагона со 185 патници излетаа од шините поради лизгање на земјиштето, пробиени се две брани

Две брани се пробиени во баварскиот округ Фафенхофен ан дер Илм како последица на обилните дождови што го зафатија регионот во изминатите неколку дена.

Двете пробиени брани се на реката Паар, притока на Дунав, изјави портпаролот на окружната администрација, јави ДПА.

Пожарникар загина за време на операција за спасување од поплави во градот Фафенхофен ан дер Илм во Горна Баварија, кога се превртел чамецот во кој се наоѓал со тројца колеги.

Некои региони во јужна Германија во рок од 24 часа регистрираа повеќе дождови отколку што обично паѓаат во текот на еден месец, соопшти денеска Германската метеоролошка служба (ДВД).

Bavarian state premier Markus Soeder says #floods that hit southern #Germany have caused “enormous” damage. A state of emergency has been declared in several districts, and severe weather warnings have been issued in over 10 districts. #PlanetMatters pic.twitter.com/6rIIBu1r4c

— CGTN Global Watch (@GlobalWatchCGTN) June 2, 2024

Во градот Кислег во југозападната покраина Баден-Виртемберг се регистрирани 130 милиметри дожд само во петокот, информира ДВД. Регионот вообичаено регистрира 118 милилитри дожд во овој период од годината.

Во Баден-Виртемберг два вагони на меѓуградски воз со 185 патници излетаа од шините поради лизгање на земјиштето, а доброволци се на терен за да ги евакуираат граѓаните, јавува ДВ.

Во Бад Ворисхофен во соседната држава Баварија, 129 милиметри дожд паднале во рок од 24 часа, во споредба со месечен просек од 101 милиметри.

Слични вредности се пријавени низ целиот регион.

Heavy rain and floods hit parts of Germany and Italy – with hundreds of people being advised to leave their homes and others still missing.#Germany #Floods #Italy #GermanyFloods #WorldNews #Disaster #DisasterRelief pic.twitter.com/yJSVulvNg1

— News18 (@CNNnews18) June 2, 2024