Караџовски: Тестовите за ковид-19 не се тестови за бременост па да се продаваат во аптеките

Доктор Жарко Караџовски рече дека се отвораат нови простории, приемни одделенија за земање тестови, па поради тоа се очекува на двата пункта да се намали гужвата веќе од утре, како и дека тестовите за ковид-19 не може да се продаваат во аптеките.

– Тестови има, лаборанти има, дијагноститаката ќе ја прави Институтот за јавно здравје. Работиме и прва и втора смена, работиме по 16 часа, за да го надминеме овој проблем. Луѓето грешат сите доаѓаат во 8 часот наутро и затоа се создаваат гужви – рече д-р Караџовски.

Факт е дека здравствениот систем функционира, рече д-р Караџовски.

На прашањето за тоа дали тестовите ќе ги има во продажба во аптеките, Караџовски истакна дека тестовите за ковид-19 не се тестови за бременост па да се продаваат во аптеките, туку дека има точен протокол по кој се врши тестирањето и дека тој се почитува.