Капитол „врие“ од војска, а тоа ја чини државата 500 милиони долари
Припадниците на Националната гарда пристигнаа од сите 50 држави и четири територии, додека агенциите за безбедност се обидоа да го обезбедат Капитол за инаугурацијата на претседателот Џозеф Бајден.
Трошоците за ангажирање на околу 26.000 припадници на Националната гарда за обезбедување на Капитол во периодот околу 6-ти јануари, кога се случи насилниот упад во Конгресот, изнесуваат скоро 500 милиони долари, велат официјални лица.
National Guard deployment at Capitol through mid-March costing nearly $500 million https://t.co/a4O9V5fl0B pic.twitter.com/KhghGMruKC
— The Hill (@thehill) February 5, 2021
Припадниците на Националната гарда пристигнаа од сите 50 држави и четири територии, додека агенциите за безбедност се обидоа да го обезбедат Капитол за инаугурацијата на претседателот Џозеф Бајден.
Тие беа ангажирани во Вашингтон за да го блокираат сообраќајот и да ги заштитат конгресмените и важните објекти.
Официјални лица, кои сакаа да останат анонимни, бидејќи не се овластени да даваат изјави, велат дека бројката од 500 милиони долари ги вклучува трошоците за транспорт на припадниците на Националната гарда од нивните држави во Вашингтон, нивните плати, бенефиции, сместување и здравствена заштита.
Овие пари се очекува да ги покријат трошоците на припадниците на гардата до средината на март, кога тие треба да се повлечат од Вашингтон.
Националната гарда беше ангажирана по наредба на федералната влада, а Министерството за внатрешна безбедност издаде предупредување за тероризам поради можно насилство.