Канје го сменил бројот и ја блокирал Ким, може да го контактира само преку обезбедувањето

Ким Кардашијан (40) и Канје Вест (43) не разговараат откако најпознатата старлета на светот поднесе барање за развод од раперот.

Сега Канје ги сменил сите телефонски броеви и ѝ порачал на Ким дека можат да зборуваат само преку неговото обезбедување, пренесува „Пејџ сикс“.

Според изворот, Канје Вест одеднаш се дистанцирал од Ким, дури и пред документите за развод да бидат предадени на судот.

„Тој ѝ рече: „Можеш да ме контактираш само преку моето обезбедување““, рекол изворот.

Но, и покрај тоа, парот ќе продолжи заеднички да ги одгледува четирите деца – ќерките Норт (7) и Чикаго (3) и синовите Сент (5) и Псалм (1).

„Таа излегува од куќата, тој доаѓа и ги гледа децата. Имаат армија од дадилки“, продолжува изворот.

Според зборовите на изворот, Канје Вест одеднаш се дистанцирал од Ким, дури и пред да бидат предадени документите за развод на судот.

– И покрај тоа, таа му верува кога станува збор за децата. Тој ги сака и често ги гледа, а таа ја напушта куќата кога тој ќе дојде. Тие имаат армија дадилки, така што тоа не е голема работа – рекол изворот за „Пејџ сикс“.

Кардашијан остана да живее во Лос Анџелес со децата додека раперот престојува на неговиот ранч во Вајоминг.

Тие, исто така, успеале да го решат спорот околу тоа кој ќе ја добие огромната заедничка куќа во Скриените Хилс, па Ким остана таму со децата.

Ким и Канје се венчаа во 2014 година, а наводно тешкиот брачен период започнал по неговата неуспешна претседателска кандидатура, по што следувале некои негови контроверзни коментари за неговото семејство и бракот со Ким. Најпознатото од нив е кога ја споредил мајката на Ким, Крис Џенер со севернокорејскиот лидер Ким Џонг-ун.