КАКО ДА СЕ ГЛАСА СО ИЗМИНАТА ЛИЧНА КАРТА И ПАСОШ? Државната изборна комисија бара законски решенија
Според претседателот на ДИК, граѓаните можат да гласаат или со лична карта и пасош, но ќе се бара речение и за оние граѓани коишто ги немаат валидни двата документа.
Државната изборна комисија (ДИК) ќе направи се за да се изнајдат законски решенија за граѓаните со неважечки лични карти кои не се во можност да добијат нови поради блокираниот закон да можат да гласаат.
Претседателот на ДИК Александар Даштевски по денешната седница на Комисијата посочи дека доколку граѓаните имаат важечки пасош ќе можат да гласаат, но и дека се преземаат дополнителни активности за изнаоѓање други законски решенија.
– Ние ќе направиме се да изнајдеме законско решение, бидејќи знаете дека се употребуваат и личната карта и пасошот, така што граѓаните имаат или едно или друго. Ќе гледаме во таа бројка да потпаднат сите граѓани, бидејќи кој нема лична карта има пасош и обратно. Ќе преземе и дополнителни активности за да го искординираме тоа и ќе бараме и други законски решенија – рече Даштевски.
Претседателот на ДИК Даштевски кажа дека пет проценти од апратите за вчитување на отпечатои од прсти ќе пристигнат на 25 август, а останатите сукцесивно до 1 октомври, до кога исто така треба да биде испорачана целокупната опрема.
Компанијата „Дермалог“, според договорот, треба да достави и испечатено упатство за користење на апаратите, кое ќе биде дел од едукацијата на претседателите и заменик-претседателите на избирачките одбори.
Апаратите и другата опрема што ќе се користи на изборите нема да бидат поврзани со интернет, односно тие ќе е наполнат со податоци, а по изборите ќе бидат испразнети.
На денешната седница на ДИК беше донесено Упатство за начинот и постапката за поднесување, прием и потврдување на кандидатски листи за локалните избори, Анализа на ризик на ДИК, Упатство за нарушување на безбедноста на личните податоци во ДИК, Програма за едукација за изборите, како и Програма за едукација и информирање на гласачи.