KAJ Ѝ ЈА ИСПРАЛЕ КОЛАТА, САКАЛА И ПАРИТЕ ДА НЕ Ѝ ГИ УКРАДАТ Двајца перачи го зеле пленот, ама ги фатиле
Бизарна случка во една скопска перална на коли опоменува - не оставајте вредни работи во автомобилот кога го оставате на перење, да не мора после да викате полиција.
На 08.12.2022 во 14.20 часот на подрачјето на Центар во Скопје, полициски службеници од Единицата за внатрешни работи Центар и Бит Пазар ги лишиле од слобода Р.Р.(21) и Џ.Р.(32), двајцата од Скопје.
Можеби ќе ве интересира
Тие се сомничат дека одзеле пари од возило „цитроен“ со скопски регистарски ознаки, сопственост на З.Д.С.(47) од Скопје, кое истиот ден било оставено за чистење во автопералницата во која работеле.
Лицата биле задржани во полициска станица и во службен разговор го признале делото. Парите биле пронајдени и вратени на сопственичката, а за случајот бил запознаен Јавен обвинител.