КАДИРОВ СПАСЕН ОД ДАВЕЊЕ ВО ХОТЕЛ ВО БОДРУМ Чеченскиот лидер се опоравува во болница

Чеченскиот лидер Рамзан Кадиров е хоспитализиран откако беше спасен од давење во турското одморалиште Бодрум, објави онлајн изданието „Милиет“.

Инцидентот се случил напладне во покраината Мугла, каде што Рамзан Кадиров бил на одмор во хотел со 5 ѕвездички.

Според информациите, кратко по влегувањето во водата, чеченскиот лидер одеднаш почнал да мавта со рацете во обид да се спаси.

Екипите на брзата помош брзо реагирале, а потоа го однеле Кадиров во медицинска установа.

Според „Милиет“, Кадиров е добро и надвор од животна опасност.