🎥 ИЗРАЕЛ ГО НАПАДНА ГЛАВНИОТ ГРАД НА ЈЕМЕН Страшни снимки покажуваат џиновска експлозија, луѓето бегаат во паника

Израелски воздушни напади ја погодија јеменската престолнина во неделата, само неколку дена откако бунтовниците Хути истрелаа ракета кон Израел, која воените власти ја опишаа како првата касетна бомба што била лансирана кон нив од 2023 година, објави Асошиејтед прес.

Хутите, поддржани од Иран, соопштија дека израелските напади погодиле повеќе делови од Сана, при што, според нивното Министерство за здравство, загинале најмалку 2 лица, а 35 биле повредени. Телевизијата „Ал-Масира“ извести дека била погодена нафтена компанија, а снимки на социјалните мрежи покажуваат голема огнена експлозија. Луѓето кои снимаат се обидуваат да избегаат во паника.

Погодени се електроцентралите Асар и Хизаз

Израелската армија соопшти дека ги погодила електроцентралите Асар и Хизаз, нарекувајќи ги „значајни електроенергетски објекти за воени активности“, заедно со воен комплекс во кој е сместена претседателската палата.

Жители на Сана изјавиле за Асошиејтед прес дека слушнале експлозии во близина на затворена воена академија и на претседателската палата и дека виделе чад кај плоштадот Сабеин, централна локација во градот.

– Звуците на експлозии беа многу силни – изјави Хусеин Мохамед, кој живее блиску до палатата.

Ахмед ал-Мехлафи изјавил дека силата на нападите ја разнишала неговата куќа и му ги скршила прозорците.

Хутите веќе 22 месеци испукуваат ракети и дронови кон Израел и врз бродови во Црвеното Море, велејќи дека тоа го прават во знак на солидарност со Палестинците во војната во Газа.

This is one of the powerful videos from the Israeli attack today on security infrastructure and the presidential palace in Yemen – watch. This is what’s called fuck around and find out. pic.twitter.com/fQTKE1kAXi

— Ofer Binshtok – Kafir – עופר בינשטוק (@Ofer_binshtok) August 24, 2025

Хутите ќе продолжат да го напаѓаат Израел

Заменикот шеф на медиумската канцеларија на Хутите, Насрудин Амер, изјави дека нивните напади нема да престанат.

– Нашите воени операции во поддршка на Газа нема да запрат, ако Бог даде, сè додека не престане агресијата и не се укине опсадата – рече тој.

Израелските напади во неделата се први по една недела, кога Израел соопшти дека уништил енергетска инфраструктура што ја користеле бунтовниците. Овие најнови удари следат по петочната најава на Хутите дека лансирале нов тип ракета кон Израел, целејќи го аеродромот Бен Гурион. Израелската армија соопшти дека проектилот се распаднал во воздух по неколку пресретнувања.

Израелски воен претставник, кој побарал анонимност, изјавил дека станувало збор за касетна муниција – проектил што при удар се распарчува во повеќе експлозивни елементи, што отежнува пресретнување и претставува нова технологија добиена од Иран. Тој додаде дека во нападите во неделата учествувале повеќе од 10 израелски борбени авиони.

„Хутите на тежок начин учат дека ќе платат скапо за нивната агресија врз Израел“

Министерот за одбрана на Израел, Израел Кац, рече дека земјата продолжува да спроведува „воздушна и поморска блокада“. Премиерот Бенјамин Нетанјаху додаде дека Хутите „на тежок начин учат дека ќе платат висока цена за нивната агресија врз Израел“.

Нападите на Хутите во изминативе 2 години сериозно го нарушија транспортот низ Црвеното Море, преку кое годишно минува стока во вредност од околу 1 трилион долари. Од ноември 2023 до декември 2024 година тие нападнале повеќе од 100 комерцијални и воени бродови.

Во мај, САД објавија договор со Хутите за прекин на нивните напади врз бродовите во замена за запирање на американските воздушни напади, иако бунтовниците тврдат дека тоа не ги вклучува нивните напади врз цели поврзани со Израел. Минатиот месец, Хутите најавија дека ќе таргетираат трговски бродови на сите компании што соработуваат со израелски пристаништа.

Во мај, Израел изврши и дневен напад врз аеродромот во Сана, уништувајќи го терминалот и оштетувајќи најмалку 6 патнички авиони.

Извештајот е подготвен од новинарите Лидман од Тел Авив и Мец од Ерусалим, со придонес на Џон Гамбл од Дубаи.

Following a missile attack from Yemen on Israel last month, the Israeli Air Force struck several targets in Sana’a, the capital of Yemen, a short while ago. This is the fate of the Yemeni Presidential Palace (most likely the palace itself). pic.twitter.com/ZBhyYY3xgx

— Ofer Binshtok – Kafir – עופר בינשטוק (@Ofer_binshtok) August 24, 2025