ИЗБОРИТЕ ЌЕ БИДАТ ФЕР, НЕМА ПРОСТОР ЗА НЕПРИФАЌАЊЕ НА РЕЗУЛТАТИТЕ Сите анкети се на страната на ВМРО-ДПМНЕ, порача Перински

Како што ќе се ближиме до датумот на локалните избори се повеќе ќе се заоструваат реториките, но ако имаме успешно оценет и спроведен изборен процес не би требало да има агрументи од ниту една политичка номенклатура да не ги прифати резултатите од изборите. Сите анкети досега покажуваат убедливо водство на ВМРО-ДПМНЕ и постојат шанси да добие градоначалник во речиси секој град, изјави вечерва министерот за локална самоуправа Златко Перински во гостувањето во Дневникот на ТВ Сител, осврнувајќи се на тоа дали можеби очекува некој политички субјект да не ги признае резултатите од престојните локални избори.

За тоа дали жали што тој не е кандидатот на ВМРО-ДПМНЕ за градоначалник на Скопје, со оглед на тоа што беше во посетниот избор, Перински истакна дека тој е дел од Владата и тоа и ќе остане. Неговите активности во таа смисла не се стопирале додека траеле внатрепартиските номинации и нагласи дека навистина му е драго што ВМРО-ДПМНЕ има квалитетен кандидат како Орце Ѓорѓиевски.

– Навистина ми е драго што ВМРО-ДПМНЕ има многу квалитетен кандидат, Орце Ѓорѓиевски, кој е докажан и искусен во рамки на својата општина и ќе има голем исчекор во водењето на градот – рече Перински.

Министерот за локална самоуправа не очекува проблеми со цензусот на претстојните избори, освен како што рече во една или две општини, а за во однос на тоа дали независните кандидати можат да предизвикаат компликации во изборниот процес, рече дека ДИК има механизми за гарантирање на успешно спроведен процес.

– Точно е дека на овие избори ќе гледаме повеќе политички фолклор, отколку што сме навикнати досега, но не очекувам проблеми и сметам дека е добро и ние како политички партии и независните граѓански организации еве фронт да се измерите сите па да видиме што ќе правиме понатаму. Јас секогаш сум отворен за комуникација со нив, во суштина тие тоа го бараа да нема долен праг и тоа го добија – рече Перински.

Во врска со тоа дали е можно да се оспорат изборите пред Управниот суд, затоа што законска норма е укината, но не е заменета со закон, како и можноста за владини повереници, Перински вели дека тие се поставуваат кога има неуспешно спроведен процес и кога нема постигнато цензус за да се одлучи кој ќе биде нов градоначалник.

– Тоа сметам дека за демократијата е лошо, ако гледаме политички на нас како политичка гарнитура, кои сме во рамките на Владата може и не звучи така лошо, но на крајот на денот не гледам причина зошто би дошло до тоа кога сите политички субјекти  и голем број од граѓанските организации веќе пријавија кандидатури за учество – рече Перински.

За Ресурниот центар за поддршка на општините истакна дека тргнале од фактот дека има одреден степен на различности во рамки на степенот на развиеност и на регоните и на општините. Целта е повеќе да не се мерат како мали и големи, како рурални и урбани, туку да се најде модалитет сите да имаат пристап до тоа што им е потребно, а еден од најгорливите проблеми е недостиг на човечки капацитети.

Нагласи дека Владата со помош на УНПД, донација од Швајцарската амбасада, како и поддршката што на Центарот ќе му се дава преку проектот на Делегацијата на ЕУ, ЕУ за општините, креиран е буџет од 500 илјади евра. Од тие пари ќе се исплаќаат експертите, кои ќе бидат ангажирани за да им помагаат на општините и тие ќе бидат исплаќани само доколку се ангажирани, односно нема да има нови вработувања.