Итно соопштение на „АстраЗенека“: Ќе обезбедиме нови информации за нашата вакцина во рок од 48 часа

Лабораторијата на „АстраЗенека“ денес се обврза да обезбеди ажурирани податоци до регулаторното тело на САД кои ги следат клиничките испитувања на нејзината анти-ковид вакцина за 48 часа, бидејќи беше наведено дека оваа компанија има потенцијално „застарени“ податоци за таа вакцина.

„АстраЗенека“ објасни во соопштението дека користела податоци од пред 17 февруари за резултатите објавени во понеделникот на клиничките испитувања спроведени во САД.

Таа увери дека сака „веднаш“ ќе стапи во контакт со Администрацијата за заштита на податоци и безбедност на САД (DSMB) и дека сака таа администрација да анализира со „најсовремени податоци за ефикасност“ во рок од 48 часови.

Вакцината „АстраЗенека“, која се користи во голем број земји, вклучувајќи ги и оние во ЕУ, сè уште не е одобрена во Соединетите држави, каде властите побараа дополнителни податоци за испитувањата во три фази спроведени на американска територија.

По објавувањето на резултатите од тие испитувања вчера, Националниот институт на САД за инфективни болести и алергии (NIAID), кој ги надгледуваат клиничките испитувања на вакцините во САД, изрази „загриженост“ во врска со фактот дека шведско-британската фирма „АстраЗенека“ може да има „застарени информации“ во рамките на своите тестирања.

Според институтот, ова може да доведе до некомплетна проценка на ефикасноста на вакцината.

Според резултатите објавени во понеделникот, врз основа на испитувањата спроведени врз повеќе од 32.000 учесници во САД, вакцината е 80% ефикасна против ковид-19, кај постари лица и не го зголемува ризикот од згрутчување на крвта.

Вакцината е 79 проценти ефикасна во спречување на симптоматска инфекција кај општата популација и 100 проценти во спречување на тешки форми на заболување и хоспитализација, соопшти лабораторијата во понеделникот.