Исечени 13 дрвја на Орце Николов, граѓаните гневни општината најавува нови садници

На улицата Орце Николов која веќе еден месец се реконструира денеска се исечени 13 дрвја. Делот во кој се исечени дрвјата е од улица Ленинова до Наум Наумовски-Борче. Од општината Центар велат дека дрвјата биле стари и болни, а од ИП „Паркови и зеленило“ дека на есен ќе бидат засадени нови дрвја.

Сечата на дрвјата ги вознемири жителите од тој дел од градот и активните на социјалните мрежи.

Од општината тврдат дека се исечени стари и стари и болни дрвја кои имаат гнили стебла, чии гранки удираат во станбените објекти кои се наоѓаат на улицата и претставуваат опасност за минувачите.

Од ЈП „Паркови и зеленило“ велат дека овие дрвја веќе подолг период биле обележани како стари и информираат дека изминативе три години подигнати се нови дрвореди и засадено е ново зеленило низ целиот град, а во пролетната акција ќе бидат засадени 8.000 дрвја.