ИРАН ЕГЗЕКУТИРАШЕ ИРАНСКО-ГЕРМАНСКИ ЗАТВОРЕНИК ПОРАДИ ТЕРОРИЗАМ Џамшид Шармад уби 14 луѓе во напад во 2008 година
Иран го обвини Шармад дека го планирал нападот во џамијата во 2008 година, во кој загинаа 14 и беа повредени повеќе од 200 луѓе.
Иранско-германскиот затвореник Џамшид Шармад, кој беше заробен од иранските безбедносни сили во Дубаи во 2020 година, е погубен во Иран откако беше осуден за тероризам, соопшти денеска локалното правосудство.
Иран го обвини Шармад, кој живеел во Глендора, Калифорнија, дека го планирал нападот во џамијата во 2008 година, во кој загинаа 14 и беа повредени повеќе од 200 луѓе. Тој беше обвинет и за заговор за други напади, преку малку познатото опозициско Монархистичко собрание на Иран и неговото милитантно крило Тондар.
Иран, исто така, го обвини Шармад дека на телевизија во 2017 година „открил доверливи информации“ за ракетните локации на иранската Револуционерна гарда.
Неговото семејство ги оспори обвиненијата и се трудеше да го ослободи.
Шармад беше уапсен во Дубаи во 2020 година, на пат кон Индија за да склучи договор за неговата софтверска компанија.
Во јули 2020 година Иран соопшти дека го заробил Шармад во „софистицирана операција“.