ИНВЕСТИЦИСКИ ФОРУМ ВО МАВРОВО НА МАКЕДОНИЈА2025 Компании со потенцијал за раст пред домашни и глобални инвеститори
Македонија2025 организира инвестициски форум во Маврово – Mavrovo Investment Forum 2026 (МИФ 2026), кој на 3 и 4 декември 2026 година ќе ги поврзе перспективните компании од Македонија и Западен Балкан со домашни, регионални и меѓународни инвеститори, стратешки партнери и извори на капитал.
Главната цел на Форумот е да создаде конкретни можности за инвестиции, раст и регионални деловни партнерства, а ќе се одржи под покровителство на претседателот на Владата на Македонија, Христијан Мицкоски. Форумот ќе им овозможи на компаниите со потенцијал за раст директно да се поврзат со инвеститори, стратешки партнери и извори на капитал.
Компании со годишен обрт од најмалку 1 милион евра, како и инвеститори и претставници на деловната заедница, се повикуваат да се пријават за учество на инвестицискиот форум. МИФ 2026 е отворен и за пошироката деловна јавност: претприемачи, менаџери, професионалци и сите оние кои сакаат од прва рака да слушнат како размислуваат инвеститорите, што бараат кај компаниите и како изгледа процесот од првиот контакт до инвестиција.
Во програмата ќе учествуваат меѓународни инвеститори, менаџери на инвестициски фондови и претприемачи, меѓу кои Muhannad M. Qubbaj, основач и партнер во Olive Rock Partners; Valeri Petrov, директор за инвестиции во Eleven Ventures; Gavin Ryan; Amjad Mustafa, основач на YellowFin Ventures; Shivendra Singh, управувачки партнер во Maven Investment Partners; и Viktor Nelepa, основач и извршен директор на Didea Media. Преку разговори, практични сесии и работилници, тие ќе споделат искуства и перспективи за инвестиции, раст, скалирање, вреднување и подготовка на компаниите за привлекување капитал.
Ограничениот број на учесници создава ексклузивна можност за квалитетно вмрежување со инвеститори, говорници, сопственици на компании и деловни лидери преку паузи за вмрежување и ручек, неформални средби, вечерна програма, како и целно B2B и B2I (Business-to-Investor) поврзување според заеднички интерес и потенцијал за соработка.
Местата се ограничени, токму за да се задржи форматот на МИФ 2026 како форум каде учесниците навистина имаат можност да се запознаат, да разговараат и да создадат конкретни деловни контакти.
Повикот е наменет за компании кои бараат капитал за раст и експанзија, нови пазари, технологија или капацитети, во форма на инвеститор, стратешки партнер или joint venture. Избраните компании ќе добијат подготовка за средби со инвеститори и целно поврзување со релевантни инвеститори според секторот, фазата на развој и инвестициските потреби.
Рок за пријавување: 20 октомври 2026. Пријавете се за учество во инвестицискиот процес ТУКА.
Организацијата ги повикува домашните, регионалните и меѓународните инвеститори заинтересирани за перспективни компании од Македонија и регионот.
VC (venture capital) и PE (private equity) фондови, односно фондови кои инвестираат во компании со потенцијал за раст и развој, како и стратешки и корпоративни инвеститори и финансиски институции ќе имаат пристап до селектирани компании, директни средби со нивните сопственици и менаџерски тимови и целно организирани B2I состаноци согласно инвестициските интереси.
Контактирајте преку [email protected] да изразите интерес за учество и поврзување со селектирани компании.
Форумот е отворен и за претприемачи, директори, бизнис-лидери, советници, финансиски институции и други професионалци кои сакаат да слушнат искуства од меѓународни инвеститори и лидери и да се поврзат со регионалната и меѓународната бизнис-заедница.
Бројот на учесници е ограничен, со цел да се создаде квалитетна и ексклузивна средина за директни контакти, нови партнерства и конкретни деловни можности.
Регистрирајте се за присуство на форумот, програмата и можностите за вмрежување ТУКА.
Повеќе информации за Mavrovo Investment Forum 2026, критериумите за учество и пријавувањето се достапни на официјалната страница на форумот.